САЛВІЯ → ВЫДАННІ → Беларускія Народныя Крыжы

па пытаннях аптовых закупак па безнаяўнаму разліку звяртаецеся ў наш
мінскі офіс

Набыць выданьні можна ва ўсіх кнігарнях Мінска і цэнтральных кнігарнях абласных гарадоў Беларусі.

У МІНСКУ кнігі можна набыць амаль ва ўсіх кнігарнях:

АКАДЭМКНІГА
пр. Ф.Скарыны, 72

ПАДПІСНЫЯ ВЫДАННІ
пр. Ф.Скарыны, 14

СВЕТАЧ
пр. Машэрава, 11

ЦЭНТРАЛЬНЫ
пр. Ф.Скарыны, 19

ПАЎЛІНКА
пр. Ф.Скарыны, 19 і іншых.

У ВІЛЬНЕ:
AKADEMINE KNIGA
Universiteto g. 4;

У ВАРШАВЕ:
GLOWNA KSIEGARNIA NAUKOWA IM. B. PRUSA
Krakowskie Przedmescie, 7

З аўтарам і выдаўцом можна зьвязацца па e-mail

Міхась Раманюк
БЕЛАРУСКІЯ НАРОДНЫЯ КРЫЖЫ
манаграфія

Дзяніс Раманюк і выдавецтва «Наша Ніва» выпусцілі манаграфію прафесара Міхася Раманюка «Беларускія народныя крыжы». Гэта апошяя праца вядомага беларускага этнографа і мастацтвазнаўцы Міхася Раманюка, працу над якім перапыніла заўчасная смерць. Манаграфія рыхтавалася на працягу 25 гадоў дасьледваньняў і этнаграфічных экспедыцыяў. Аб'ехаўшы ўсе рэгіёны Беларусі аўтар сабраў унікальны матэрыял пра беларускія крыжы, надмагіллі і пахавальна-памінальны абрад. Вынікам вывучэння і аналізу накопленых дакумантаў зьявілася поўная сістэматызацыя і класіфікацыя гэтай спецыфічнай тэмы. Упершыню ў гісторыі беларускай этнаграфіі Міхась Раманюк апісаў усе формы і функцыі крыжоў, надмагілляў і месцы іх усталёўвання. Значнае месца адведзена пахавальна-памінальнаму абраду ў сістэме народнай беларускай культуры.

Для чытача — гэта адзінае выданне, якое дазваляе глыбока і ўсебакова пазнаёміцца з унікальнай часткай традыцыйнай культуры беларусаў. Альбом разьлічаны на самае шырокае чытацкае кола, у першую чаргу тых, хто цікавіцца краязнаўствам, этнаграфіяй, гісторыяй і фатаграфіяй. Манаграфія «Беларускія народныя крыжы» складаецца з 29 глаў, падзеленых на тры разьдзелы: I. Класіфікацыя і разнавіднасці беларускіх надмагілляў, II. Семантыка і функцыі народных надмагільных кампазіцый. Паганства і сучасная пахавальная атрыбутыка, III. Абракальныя крыжы.

Усе матэрыялы багата праілюстраваны. На 224 старонках фармату 24х30 см. зьмешчана 303 фотаздымка і 83 графічных малюнка. Зроблены паказальнік прадметаў і паняткаў, а так сама геаграфічны паказальнік. Альбом на беларускай мове. Маецца рэзюмэ і подпісы да ілюстрацыяў на англійскай мове.

Альбом пабачыў свет дзякуючы дапамозе Беларускага дабрачыннага фонду ў Велікабрытаніі, а таксама прыватным ахвяраванням беларусаў свету. Асобная падзяка Сяргею Дубаўцу, Андрэю Верацяну і Сяргею Кавалёву.

У 2001 годзе пабачыў свет пераклад манаграфіі "Беларускія Народныя Крыжы" на польскую мову.

ІЛЮСТРАЦЫІ

РЭЦЭНЗІІ

АЎТАР

УЗНАГАРОДЫ